AFONDEMENTO DO BAHÍA
NA COSTA DA MORTE

¡Escoitade, compañeiros!
Teñovos que relatar
Un feito verdadeiro
Que aconteceu no mar

Eran dez mariñeiros
Que foron faenar
No Golfo de Biscaia
Pra boquerón pescar

Regresaron no Bahía
En Burela a descargar
Rumbo viñan cara Vigo
Desexando descansar

Mais na “Costa da Morte”
Estáballes a agardar
A “Parca” sempre traidora
Que os había de tragar

Eran dez pedazos de home
Eran dez homes de mar
Mais nas “Illas Sisargas”
Sorprendeulles un golpe de mar

Seis corpos atoparon
Outros catro andan a buscar
Nas profundidades co barco
Supoñen que alá estarán

Dez sofridos mariñeiros
Que no porto agardando están
Familiares que xa nunca
Nos seus brazos os terán

Os que marcharon
Chamábanlles mariñeiros
Os que quedaron
Chámanlle viúvas e orfos do mar